Saturday, January 3, 2009

عادات وتقاليد قريتنا _ربنا ميقطعلك عاده_..

عادات وتقاليد قريتنا _ربنا ميقطعلك عاده_..

على الرغم من انه لا يوجد بين اهل قريتنا الحبيبه عضو فى لجنة السياسات الا انها تتميز بسياسه خاصه بها تتمثل فى الانفراد بعادات وتقاليد اكاد اعتقد انها لا توجد فى اى قرية بين قرى المحروسه وعلى الرغم من غرابتها الا ان الالتزام بها يندرج تحت بند الاصول اما من يفكر فى عدم الالتزام بها فيا ويله ويا سواد ليله لانه بهذا الفعل المشين يعرض نفسه للقيل والقال ومش بعيد كمان يكون مصيره النفى خارج القريه ويعيش بعيد كأنه من المطاريد وسمعنى سلام ذئاب الجبل ..
خد عندك مثلا ليلة الحنه العريس لازم يحلق شعر ودقن فى الشارع امام اهل القريه ولو معملش كده يبقى مش مقدر الناس اللى جاية تشمت قصدى تهنيه اما الصباحية بقى فهى عندنا تبدأ من السابعه صباحا عشان كده العريس بيعتبر اهل العروسه زوار الفجر .ولازم و-حتما ولا بد العريس والعروسه ينزلوا يسلموا على كل الموجودين ولسن حال العريس يقول هما ليه مخلوهاش مسائيه بدل صباحيه ..وننتقل من حالة الزواج الى حالة العزاء فهو كما يبدو نهاية كل متزوج ..عندنا يا ساده اهل المتوفى لازم يروحلهم افطار من معظم اهل القريه وده قبل الدفن اما بعد الدفن فلابد ان يخرج من كل بيت صينيه الى دار مناسبات اهل المتوفى ثلاث مرات فى اليوم لمدة ثلاثة ايام الغريب بقى لازم يبقوا واقفين يشوفوا مين اللى جاب ومين اللى مجبش صوانى وطبعا اللى مجبش يبقى مش مقدر الموقف والجايات اكتر من الرايحات كما انه يجب على كل واحد مطلع صينيه انه يتسابق لكى يجلس معه واحد من اهل المتوفى ويا سلام بقى لما يقعد معاه يبقى حاسس انه كبير العزا والبلد كمان.
الطريف انه ذات مره والدة صديق لى لم يسعفها الوقت ولا انبوبة البوتجاز لكى تطبخ الرز علشان تطلع الصينيه لكنها فضلت ان تضع الرز بدون طبخ على انها متطلعش صينيه لانها تقترب الى حد الجريمه وارسلت الصينيه للدوار وصديقى لا يعلم لم يتم طبخه اساسا فهو بالدوار منتظر الصينيه وكالعاده اخذ يلح على ابن المتوفى لكى يجلس معه على الصينيه وسط منافسه من باقى الناس وخسر المنافسه وده ستر من ربنا عليه لانه كان هيتفضح وجلس صديقى على الصينيه ليفاجأ يأن الرز انشف من حجارة الاهرامات ذهل وصعق وحمد ربنا ان ابن المتوفى لم يجلس معه ..
اما المولد النبوى الشريف له طقوس خاصه جدا تتمثل فى حلقة ذكر كبيره جدا حتى تستوعب العدد الكبير من اهل القريه الذين يحرصون عليها ويدفعون الفلوس من اجل اتمامها على خير ولا حرج من تركيب عشر ميكروفو نات حتى يسمع الذكر جميع اهل القريه والقرى المجاوره ..اللذيذ بقى ان الراجل اللى ماسك المايك تجده انتقل فجأه وبدون سابق انذار من التواشيح الى اغنية شكل تانى لنجاة وقبل ان تندهش تجده انتقل الى اغنية انا بعشقك لمياده الحناوى ثم يختم وصلته الغنائيه بام كلثوم والحب كده وببقى عايز اقوله متخليها الذكر كده..يتم هذا واهل القريه يذكرون باخلاص وضمير الى ان يصل لمرحلة فقد الوعى ويسقط ارضا ويطلقون عليها مرحلة الاندماج وانه راجل بركه ..وتبقى الاسئله فى ذهنى هل الاحتفال بالمولد النبوى الشريف يتم بهذا الشكل ؟ ولماذا يفحص اهل المتوفى الصوانى _هما فى ايه ولا فى ايه_؟والواحد لما يبقى ودع مرحلة العذاب والعزوبيه عشان يلاقى اهل العروسه محتلين البيت من السابعه صباحا ده يرضى مين؟

13 comments:

Meekness !!! said...

ههههههه
ده ميرضسش حد طبعا


زيزي

GeHaD-----(male) said...

في طبعا عادات في القريه منها الكويس ومنها الوحش
بس يغلب الحلو
انا عايش في قريه برضه بس معندناش حكايه ان البلد كلها تطلع
دي عيله المتوفي هي اللي بتطلع بس
وحتى انا بشوف ان اللي بيروح ياكل في العزا دا انه ولمو اخذه قليل الذوق
هو رايح ياكل ولا رايح يعزي الناس ويشد من ازرهم

اما بقي احنا معندناش حلقات الذكر في مولد النبي

وبالنسبه للصباحيه دي تقريبا موجوده عند كل الناس في مصر
وربنا يجعل كلامنا خفيف عليهم

تحياتى

خالتى بمبة said...

يالهوووى 7 صباحا دا تعذيب مش صباحية الحمد لله انى مش من بلدكم

ندا منير said...

لالالالالالالالالالالالا
ميرضيش حدا الكلام دا خالص
هههههههههههه
مينفعش كدة
بجد
هههههههه

اكتر شئ بكره فى الشعب المصرى العادات والتقاليد
بالذات العادات اللى زى دى
فى عادات فى الريف غريبة قوى
بس على فكرة نسيت حاجة تقولها
قبل الفرح بقى ايه بقى
لما العريس فى الريف العروسة لازم العروسة كل خميس دقائق تقدمله حاجة ياكلها حاجة يشربها
ههههههههههههه
كانه ماسورة مفتوحة


من الحاجات اللى مصر عايزة ابادة فيها العادات دى طبعا مش كلها بس الحاجات الغريبة دى

المشكلة بس اللى محيرانى
انهم كل شوية حد يتجوز
مش بيزهقوا انهم يفضلوا يعملوا كمية الاكل دى
ههههههههه
حاجة تزهق مش كدة برضه

ايمو said...

صالح صباحك اشطا بالعسل وعليهم شوية مكسرات
دى اول مرة ادخل فيها مدونتك بس طلعت جامدة موووووووووووووووت
اما بقى بالنسبة للعادات والتقاليد حدث ولا حلرج هية دى مصر متنفعش من غيرها
بيس

صالح سعيد said...

Meekness
يا سلام عليكى يا زيزى يا فاهمانى ومتابعانى
بس وحياتك مهيحصل معايا زوار الفجر
لانى هكهرب الباب
وخلى حد ييجى
نورتنى يا جميل

صالح سعيد said...

GeHaD
انا معاك ان فى طبائع حلوه كتير
عندنا وعند كل الريف المصرى الجميل
لكن برضه فى حاجات غريبه
وفى حاجات غريبه ممكن نتحملها
لكن ييجوا سبعه الصبح
اهو ده اللى مش ممكن ابدا
ولا ايه رايك؟
تحياتى

صالح سعيد said...

خالتى بمبه
ده من سوء حظك انك مش من بلدنا
لان بلدنا بجد جميله جدا
ومش معنى ان فى عادات زى سبعه صباحا مرفوضه يبقى كلها كده
اتجوزى من بلدنا وليكى عليا اخليهم يسيبوكى لحد الساعه الثامنه
اى خدمه
نورتينى

صالح سعيد said...

ندا منير
مينفعش يا ندا اننا نكره عاداتنا وتقاليدنا
لكن ينفع اننا نعترض على اللى مش قادرين نستوعبه منها
وعادة الاكل اللى بتقولى عليها مش عندنا بس يا ريتها كانت عندنا ودى مش طفاسه منى حاشا وماشا
لكن بجد عاده حلوه
حد يكره يا جدعان
نورتنى يا جميل

صالح سعيد said...

ايمو
اهلا وسهلا فى اول زيارة من شخصك الكريم لمدونتى المتواضعه
واتفق معك فى كلامك من حيث ان فعلا العادات موجوده فى مصر كلها
نورتينى بجد
تحياتى

memo said...

ممكن اتفق معاك ان في عادات سيئة في المجتمع المصري مثلا التار وحاجات كتير قصدي عادات تضر لكن عادات زي اللي زكرتها ماضورش يبقي ننقض اللي يضر

وشكرا

will said...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

أحمد شريف said...

السلام عليكم

على فكرة هذا ليس في قريتكم فقط

دمت بود