Wednesday, January 14, 2009

امنيات عام 2009

صعود مصر لكأس العالم وهذا لان الناس جعانه فرحه وقدرنا كمصريين ان الكره اصبحت سر سعادتنا واحساسنا بالانتماء وربنا يكرم حسن شحاته وبالمره يا ريت ابوكريم يحلق شعره لانه متناقض مع شخصيته الوقوره
____________________________
(2)
توافر رغيف العيش الذى اصبح عمله نادره وان تتاكد الحكومه ان شعار الشعب فى العام الجديد هو _مش مهم كايزر او فينو العيش هو اللى احنا عايزينه_
_____________________________________
(3)
وضع حد للمهازل والاهانات التى يتعرض لها المصريين بالخارج وكأننا ارخص اهل الارض واسترداد حق المجلودين فى المجلده العربيه السعوديه
_____________________________________________________
(4)
وضع رقابة مشتركه على الفضائيات لان القنوات الغنائيه وصلت لمرحلة المهزله الاخلاقيه واصبح هناك قناه لكل مواطن والعراء انتشر وتفشى لدرجة ان تشعر بانك لو شغلت الاوروبى هيبقى ارحم من النايل سات
___________________________________________________________
(5)
ان تتخذ الحكومه قرارا جريئا بخصخصة التليفزيون المصرى لانه لا يشاهده احد وخساره على الفاضى فنحن الان فى زمن الوصله ولا يكفى ان يرفع المسئولين شعار البيت بيتك وهو بيت تامر امين بس
__________________________________________________________
(6)
اقرار قانون للعداله الاجتماعيه فليس من العدل او المعقول ان ياخذ ممثل فاشل فى فيلم او مسلسل افشل منه اكثر من ما ياخذه موظف مطحون لا يعرف للحمه طعم او رائحه طول عمره
_________________________________________________________
(7)
اصلاح التعليم الذى اصبح عبئا ثقيلا على كاهل كل اسره مصريه فالدروس الخصوصيه حرمتهم من اساسيات الحياه _ويا ريت على فايده_وتكفى الدراسه التى اثبتت ان الطفل المصرى يبقى ذكيا حتى دخوله المدارس
______________________________________________________
(8)
ان تعترف الحكومه لمره واحده انها اخطأت تعترف على اساس ان الاعتراف بالحق فضيله مش فضيحه ...وتفتح ملفات الفساد التى اصبحت اكثر من اسراب الجراد
______________________________________________________________
(9)
الغاء قانون الطوارئ فعليا بدلا من الاكتفاء بتغيير اسمه فقط فهذا القانون سلب المصريين احساسهم بالامان فى بلد المفروض انها دولة الامان مش امن الدوله
____________________________________________________________
(10)
ايجاد حلول غير تقليديه لمشكلة البطاله لان الشباب اصبح عاطل بالفطره ..والزواج اصبح حلم صعب المنال
وان تثق الحكومه فى ان العاطل اليوم من السهل ان يصبح غدا متحرش او ارهابى
_____________________________________________________
امنيه شخصيه
(11)
ان يكون هذا العام نهاية حياة العذاب والعزوبيه ودخول مرحلة فخ قصدى عش الزوجيه وكما قالت كوكب الشرق
وكفاية بقى تعذيب وشقى
_____________________________________________________
صالح سعيد

14 comments:

Meekness !!! said...

يا رب
بدعيلك من قلبي
بس مش بدعي لكل امنياتك ... يمكن بعضها مستحيل
بدعي لاخر امنيه
ربما هي المحتمله الحدوث
و قريب باذن الله



زيزي

سلوى said...

إن شاء الله يكون عام سعيد
وتحقق أحلامك فيه
الشخصيه
وتدخل القفص إن شاء الله
أما الأحلام العامه
بص
إحنا نغيبر الحكومه وخلاص
:)

shayma said...
This comment has been removed by the author.
shayma said...

يااااااااااارب

كل امنياتك تتحقق
وكل سنه وانت طيب
والسنه الى جايه نباركلك عالبيبى انشاءالله
:))))))))

رئـــــيسـة حزب الأحلام said...

ربنا يحقق لك احلامك
ويسعدك ويفرح قلبك
تحياتى لك

ندا منير said...

ياااااااااااا
امنيات صعب قوى انها تتحقق
ومش مستحيلة
بس لو لاقينا حد مهتم بيها او مهتم انه يغيرها
وطبعا مش هنلاقى

واكتر شئ نفسى انه يتحقق
التعليم يبقى تعليم صح
ويبقى فى رقابة على التليفزيون
القنوات الغنائية بجد بقى ليها تاثير سلبى جدا جدا جدا جدا جدا
على الشباب والاطفال
انا مبقدرش افتحها لان اعصابى بتتعب قوى
قوى
والمناظر بجد بتبقى سيئة جدا جدا

ويارب يتحقق اللى قلته دا

micheal said...

معاك يا صالح بإستثناء النقطة الرابعة والأخيرة
لاني شايف أن منع الكليبات مش حيؤدي إلي سمو الأخلاق..لأ دي منظومة طويلة جدا
أما النقطة الأخيرة فلأني مقتنع جدا بنعمة العزوبية وإلي الأبد
:)
تحياتي يا باشا

صالح سعيد said...

Meekness
ربنا يخليكى ليا يا زيزى يا رب
هو ده الكلام يا ناس
ركزوا على اخر امنيه
كفايانا صبر بقى
ههههههههههههه
بجد بشكرك
تحياتى

صالح سعيد said...

سلوى
تعليقك جاب من الاخر بصراحه
كده احنا هنتعلق يا سلوى
احنا بنقول على الاقل يحققوا الامنيات البسيطه دى
ده حقنا يا ناس
بصى انتى بقى
انا عايزك تتفائلى
ليه؟؟؟؟
مش عارف
نورتينى بجد
تحياتى

صالح سعيد said...

شيماء
يا رب
السنه الجايه اقولكم باركولى على الواد ادهم اللى جه الدنيا ويشوف مدونته اللى باسمه واللى معنديش غيرها يعنى بعد عمر طويل يقسموها هو واخواته وكل واحد يطلع له كام مقال
دنياااااااااااااااا
بشكرك على امنيتك الحلوه
تحياتى

صالح سعيد said...

رئيسة حزب الاحلام
ربنا يكرمك وينوللك اللى فى بالك كله فى 2009
بداية من العريس نهاية بحماتك اللى تبقى طيبه ولو ان دى صعبه شويه
المهم قولى امين
تحياتى

صالح سعيد said...

ندا منير
الصحفيه الجميله المقاتله
ده لقبك احتفظى لحد مييجى يوم تقولى قالها الواد صالح
وبعدين ايه التشاؤم ده
لا يا ندا
تفائلى ان بكره دايما احلى
ولو مكنش بكره يبقى بعد بكره
واتفق معك فى الجزء الاخير من كلامك
نورتينى بجد
تحياتى

صالح سعيد said...

micheal
انا بقى ممكن اتفق معاك فى النقطه الرابعه وده بعد المناقشه طبعا
يعنى يا اما تقنعنى لاقنعك
اما الامنيه الاخيره
فلا يمكن اتفق معاك فيها بتاتا
لانى شبعت عزوبيه يا معلم
وشكلك انت اللى شبعت جواز
ايه ذنبى انا بقى
تعذبنى ليه
يبقى انت والماذون عليا ولا ايه
بهزر طبعا
مساء الورد
نورتنى
تحياتى

will said...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品