كان الله فى عون الناس بجد داخلين على ثلاثة خبطات اقتصاديه قادره على نسف ميزانية كل بيت _ده لو كان فى اساسا _ومش عارف ازاى الناس هتتعامل معاهم فعلا موسم المدارس ومصاريفها الكثيره جدا وشهر رمضان ومستلزماته وقبل ما الناس هتشم نفسها هتلاقى عيد الفطر المبارك ويا ريت على كده وبس لا وايه كمان يصاحب هذه العاصفه ارتفاع جنونى فى الاسعار يعنى الناس ليها حق تمشى تكلم نفسها .
يعمل ايه الموظف الغلبان ابو مرتب اتعب منه وازاى يتعامل مع الموقف ده ولا الحكومه هتحل الموقف وتعمل موائد رحمن للموظفين الغلابه اعترافا منها بانها السبب فى حالة الموظفين اللى تصعب على شارون .
اللى يغيظك انك تقرا كل يوم فى جرايد حكومتنا النظيفه انباء عن ثبات الاسعار وتوفير السلع للناس ومراعاة مهدودى الدخل وتيجى تشترى تلاقى الاسعار نار الله الموقده وعلى راى المثل اسمع كلامك اصدقك اشوف اسعارك استعجب .
وعودهم الزائفه بالرخاء والنمو والحريه اصبحت مستفزه لمشاعر الناس لانهم كل ميقولوا الفقر بيزيد والاسعار بتزيد وضغط الناس الغلابه يرتفع وحكومتنا ولا على بالها وكان الناس بتأدن فى مالطه .
ويبدو اننا فى ظل هذا العصر ال_مبارك_ومجهودات حكومتنا الرشيده ال_نظيف_ه سنرى ايام عذاب اخر _جمال _وعلى كل مواطن مصرى ان ينسى يعنى ايه كلمة _عز؟؟؟! ا..كل سنة وانتم طيبين ..ورمضان كريم :)
2 comments:
يا سلام يا صالح موضوع هايل وفعلا عندك حق اسمع كلامك اصدقك اشوف اسعارك استعجب بس مين يقرا دى حكومه نايمه فى العسل يا رب النحل يفهم انه بيدى العسل لحكومه ما تستاهلشى ربنا يستر على الناس من التلات خبطات دول موظفين وغير موظفين
ربنا يخليك ويا رب اكون دايما عند حسن ظنك بيا اما ناحية الحكومه فدورنا اننا كلنا ندعى عليها فى ليلة القدر وربنا على المفترى
Post a Comment