Tuesday, September 11, 2007

يرضيكي يا مصر ؟

يرضيكي يا مصر ؟
*********************
يرضيكى يا مصر
نبقى احنا شبابك وولادك
تندهى بنجيلك فى ميعادك
جواكى وحاسين ببعادك
احلامنا عايشه فى عتمه وليل
********************
ده حلم حياتنا تكونى جنه
ليه يكون الحلم بعيد عنا
ولامتى يا مصر هنستنى
جوانا حلم برئ وجميل
******************
احنا الل شاربين من نيلك
جايين يا مصر بنشكيلك
يدونا بس الفرصه نجيلك
فى مليون محفوظ وزويل

4 comments:

Dr. Diaa Elnaggar said...

جميلة جدا هذه القصيدة ووجدتها تلمس شيئا ما بداخلي. إنه نفس الهم ونفس الحسرة على مصريين يستحقون ما هو أفضل بكثير جدا مما هم فيه الآن. ولكن اسمح لي بإضافة صغيرة: 0

يدونا بس الفرصه نجيلك
فى مليون محفوظ وزويل

اسمح لي أن اقول:

أدي يا مصري لنفسك فرصة
يطلع منك مليون محفوظ وزويل

وصدق المتنبي

ولم ار في عيوب الناس شيئا
كنقص القادرين على التمام

سعيد جدا بمدونتك وآمل في مزيد من التواصل الفكري بيننا.

عميق تحياتي

ضياء

صالح سعيد said...

السلام عليكم
اذيك يا دكتور ضياء
كل سنه وحضرتك طيب
وانا اسعد فعلا بهذا التواصل الفكرى بيننا
وفعلا حضرتك انا معاك فى ان هناك مصريين يستحقون افضل من ذلك
وشرفتنى بزيارتك لمدونتى المتواضعه
ارق تحيه

Anonymous said...

الفرصه مفيش حد بيدهالك
انت اللى بتاخدها غصب عن الكل
لو أنت كويس حتوصل بصرف النظر عن كل المعوقات اللى فى بلدنا
وأن شاء الله
أنت ياباشا حتوصل للى إنت بتحلم بيه

صالح سعيد said...

منون
صباح الفل يا جميل
فعلا الواحد لازم يقتنص اى فرصه تجيله او حتى لو كانت بتشاور نفسها انها تيجى ولا لا
بس المشكله ان وجود الفرصه فى مصر اصبح نادرا
الواحد بيدور على اى فرصه
ان شالله تكون فرصه بسمسم
شكرا لاهتمامك ورايك يا جميل
ارق تحية
لارق منى