اليكم نشرة الاخبار القاهره 2037
اختتمت امس مراسم القمه العربيه فى القاهره وجاء فى بيانها الختامى استنكار للمذابح الاسرائيليه فى فلسطين والتاكيد على ان الاسرائلييين هيروحوا النار كما وجهوا دعوه للجماهير العربيه بان يدعوا على اسرائيل اثناء صلاة الفجر كما يفضل ان يكون الدعاء سراعلى اساس ان الحيطان ليها ودان ................ا
اكد الحاج احمد عز رئيس مجلس اداره الحديد فى الدوله ان الا رتفاع الطفيف فى اسعار الحديد من 15الف جنيه للطن الى 18الف جنيه للطن ليس بيد الدوله وانها بريئه براءة الذئب من دم ابن يعقوب فالسبب هو زيادة الاسعار عالميا وقلة الانتاج المعروض وتزايد الطلب عليه واكد انه بعد دراسة الوضع تاكد من اننا لو قسمنا الكميه الموجوده من الحديد على الشعب هيطلع لكل مواطن سيخ...............................ا
احتفلت امس حركة (مش كفايه ده لسه بدرى )بالذكرى الخامسة عشر على تاسيسها وحضر الحفل اعضاء حركه (يا جمال بلدنا معاك )واكد المدعوون ان مصر تسير للامام فى طريق التقدم والنمو والحريه . كما قام بالغناء فى الحفل مطرب مصر الاول ابراهيم بعرور ............................ ا
قال الشعب كلمته فى الاستفتاء على تحجيم الدستور والاكتفاء ب50بند فقط من بنوده وتعديل اسمه الى مينى دستور وجاءت نسبة الموافقه من قبل الشعب الطيب 99فى الميه والجدير بالذكر ان فرز الاصوات تم ب3شارع المعتقل بميدان السجون .
واكد رجال الدوله ان هذه الخطوه تاريخيه وغير مسبوقه ودرس لكل من يريد ان يتعلم ويا ويله اللى مش هيوافق انه يتعلم .
واكد رجال الدوله ان هذه الخطوه تاريخيه وغير مسبوقه ودرس لكل من يريد ان يتعلم ويا ويله اللى مش هيوافق انه يتعلم .
بالامس اصدار الطبعه الثانيه من كتاب وزير الثقافه السابق فاروق حسنى (تصريحات ع الكيف وكيفية حرق الناس فى بنى سويف ) وصدر هذا الكتاب ضمن مذكرات الوزير السابق ......................ا
تعاطفا مع عامة الشعب فى العباره المنكوبه (السلام لله) يفكر الحزب الحاكم فى تغيير اسمه الى الحزن الوطنى الديموقراطى .
واكدوا تعاطفهم مع الناس دى بصراحة تامه وان كل قتيل هياخد حقه بس بالهدواه يا شعب واكد رئيس الحزب الحاكم انه من يوم غرق العباره وهو يسمع يوميا رائعة السيد مكاوى (قبل مترمينى فى بحورك مش كنت تعلمنى العوم )..............؟ا
واكدوا تعاطفهم مع الناس دى بصراحة تامه وان كل قتيل هياخد حقه بس بالهدواه يا شعب واكد رئيس الحزب الحاكم انه من يوم غرق العباره وهو يسمع يوميا رائعة السيد مكاوى (قبل مترمينى فى بحورك مش كنت تعلمنى العوم )..............؟ا
قام مسئولى نادى الزمالك بدبح معزه على بوابة النادى احتفالا بصعودهم الى دورى الدرجه التانيه بعد فوزهم على كهرباء طلخه واحد صفر بالصدفه واكدوا المسئولين انه حان الوقت لان يترك كل مسئول سنجته ويقفوا صفا واحدا للنهوض بالنادى ..........ا
E-mail:LOVENANCY33@YAHOO.COM
36 comments:
هههههههههه
كان معكم صالح ابو العافية قطاع الخبار
طيب ارد عليه ازاى الموضوع ده
صعب جدا
وبعدين مين نانسى
;)
كان معكم من أمام سراي النيابة صالح فودة ههههههه على وزن حازم فودة من باريس!.. والله خيال حلو خصوصا فيما يخص الحاج أحمد عز ..وده هيحج على انهي صاروخ!ا ..صباح الورد
:)
انها السخريه المريره
تحياتى لقلمك المبدع
إنها حقا
نشرة أخبار ساخرة جدااااااااااا
بجد إنت جامد
تحيااااااااتي
حلوة اوي بس فين نشرة الطقس ونشرة الفن اللي هتضاف قريبا ان شاء الله
المهم احب اقولك ان الحاج عز اكد انه بيعاني زي كل الناس من ارتفاع اسعار الحديدوحلف ليا انه راح يشتري سبانخ من السوق للاولاد لقي سعرهاغلي (الحاج عز جارنا في الشارع علشان ذهنكم ميرحش بعيد)اما بالنسبة للذكري السنوي (مش كفاية لسه بدري)فقدتم رفع الستار عن النصب التذكاري للمواطن يرتدي ورقة توت (والحق يقال الورقة كان شكلها جديد والنصب التذكاري كان فاقد للمصداقية)
اما بالنسبة للاستفتاءفقد صدر قرار بعدم الاعتداد بالنسبة المئوية في الاستفتاءات القادمة حيث ستكون النتيجة ان شاء الله 89مليون موافق من اصل 89مليون وتلاتة وقد تم التعرف علي التلاتةوربنا معاهم
اما العبارة فقد اكد مسئول انها ليست اقل من تيتانيك واذا كانت السفينة الضخمه اتقلبت يبقي العبارةمتقدرش تعمل زيها؟؟؟
والحقيقة فيه غلظة بشعة في المقال ياصالح ياريت تاخد بالك منهاان الزمالك مش نادي وانما تبدل اسمه الي مركز شباب الحبنية
لماضه
اولا نانسى دى بنت اختى ولمضه كده زى ناس
ثانيا الموضوع مش صعب ولا حاجه وانتى تقدرى تكتبى احلى منه بكتير كمان
شكرا على اهتماك يا دكتوره لماضه
________________________________
مروه جمعه
وانا موافق انى ابقى مراسل طالما هبقى فى باريس
نورتى المدونه يا ميرو
_______________________________
منى
فعلا انها السخريه المريره
سخرية من الواقع المؤلم الذى نعيشه
وهى فرصه نغيظ همومنا ونضحك عليها
قبل متخلص علينا
ارق تحياتى اليكى
___________________________________
سلوى
ربنا يكرمك يا سلوى
ونورتى مدونتى بجد
والتواصل الجميل بينى وبين المدونين هو الحافز على طريق الابداع
تحياتى
___________________________
الدكتوره ليلى صادق
دى اول زياره ليكى لمدونتى وانا سعيد بيها مع ان اسمى صالح مش سعيد
وانا معاكى فى كل كلامك ما عدا نادى الزمالك لانى زملكاوى اساسا
ولعلمك بقى احنا لو لاعبنا الحبانيه هنفوز عليهم بضربات الجزاء
شكرا لاهتمامك
ارق تحية
ههههههههههههههههههه
لا بجد جامده جدا
بس حرام عليك يا مفترى تقعدنا فى الهم ده لحد 2037
كفايه لحد كده.. لا اقصد مش كفايه
وبعدين بقى متوقعناش فى الغلط
ههههههههههههههههههههه
بحد احييك
سلامى
:))
إيه التفاؤل الفظيع ده؟؟؟؟؟؟؟
بس أكتر حاجة عجبتنى حركة (مش كفاية لسه بدرى) بفكر أدخل فى التنظيم ده
أول مرور ليا وإن شاء الله مش الأخير
مدونة جميلة ربنا يباركلك فيها
الاستاذ الساخر الجميل صالح افندى
الا هو احنا يا عم هنفضل فى النيلة دى لحد الفين وسبعة وتلاتين كمان ؟
واكيد ممكن نسمع اخبار على نفس الوزن منها الفنية زى : الفنانة صباح تحتفل وسط اصدقائها بتمام الخمسين خريفا
او اقتصادية زى : جموع الشعب تقوم بظاهرة سلمية من اجل تخفيض سعر رغيف العيش الى عشرة جنيهات فقط بعد وصوله اتناشر ونص ... وتعالى بص !0
بجد يا صالح انت كاتب ساحر من الدرجة الاولى
تحياتى لقلمك ولنانسى وهيفاء بالمرة
هدى
انت طبعا عارف رأيى
وانا المره دى قريت قل اعوذ برب الفلق 3 مرات ومسكت الكمبيوتر
اى حاجه بئه من ريحة الخشب.
shayma
ازيك يا شيماء ويا ريت ترسى على بر يعنى كفايه ولا مش كفايه
بالعربى كده انتى معانا ولا مع الناس التانيين
لو كنتى معانا
احنا بقى الناس التانيين
ومتشكر على تشريفك ليا
تحياتى اليكى
___________________________
فزلوكة
بقى عايزه تشتركى فى تنظيم مش كفايه ده لسه بدرى
طب ايه رايك هتلاقى مواجهه عنيفه من تنظيم بدرى من عمرك
فكرى وراجعى نفسك
___________________________
rainbow
الاستاذه هدى عبد القادر
يعنى يا استاذه مكلفانى بالسلام لنانسى وهيفا ومش عارفه انى بضعف ادام اليسا
ولا علشان احنا فى اواخر الشتا يعنى
ونورتى مدونتى بجد ومن قلبى وبدون مبالغه
___________________________
mnoon
ازيك يا منى
خليكى على كده بقى اقرى المعوذتين
وامسكى الخشب
وبصى فى الساعه يمكن تطلع الساعه خمسه وخمسه
وصدقينى يهمنى رايك بجد
ومدونتك غايه فى الروعه
بس انتى بطلى كسل
ولا بلاش الكسل
اصله بيجيلى على السيره
ارق تحية
لاحلى منى
تصدق انا عجبانى اوى دماغ الحاج احمد عز ده
المهم انه بيرفع الاسعار براحته وبيطلع الدولة بيئة خالص
طيب ما هو فعلا الدولة بريئة هو الراجل قال كلام غلط يعنى
بس هو انت من الشرقية فعلا
الكلام ده بجد والله
هذا وقد أعلن رفعت السعيد رئيس حزب التجمع ان مرشد الاخوان عبد المنعم محمود هو سبب بقاء مبارك فى السلطه وارتفاع الاسعار والاوضاع فى ميانمار
مترصلوش
هو مسطول جاهز
سماءه فل
انا ليا عتاب عليك بصراحة
بقى تقول على البلوج بتاعى طويل و انت بقى البلوج ده ايه
عريض فعلا مش كبير ..هههههه
********************************
بس انا قريته كله ...مشاء الله عليك بجد
شوف بقى اللى عجبنى
1- قسمنا الكميه الموجوده من الحديد على الشعب هيطلع لكل مواطن سيخ
.... لو كان ليا عمر لحد 2037 م يبقى متنساش السيخ بتاعي
2- قام بالغناء فى الحفل مطرب مصر الاول ابراهيم بعرور .
دا بقى حيبقى مطرب مصر الأول ... طب وتامر حسنى طب دا حتى واخد لقب برنس الغناء هههه
****************
دا بقى كوم والحتة الأخيره كوم تانى
انا مش قادره من كتر الضحك
يلا سلام
Desert cat
فعلا يا قطة الصحراء انا اتشرف اننى من الشرقيه
وبعدين هو يقدر ميعجبوش دماغ احمد عز
ده كفايه اسمه وحديده
_______________
e7na
ههههههههه
رفعت السعيد تصدقى فعلا الراجل ده كركتر لوحده وعايز بوست كامل عليه
مش خساره فيه وفى اختراعاته
__________________________________
Tamr7na
ازيك يا تمرحنه
انا لما بدخل اعلق عند اخواتى المدونين
بصراحه بحب رايى حتى لو كان نقد
لان النقد هو اللى هيوصلنا للاحسن
وتقبل النقد هو مقياس النجاح
ونورتينى بزيارتك
السلام عليكم
أرى أمامى منبت كاتب ساخر يحمل قلما ً لاذعا ..ولساناً سليطاً..وقلباً شجاعاً
تلك هى مقومات الناقد السياسي والإجتماعى يا أخى
أرجو أن لا تكون من مروجى الكلام وكفايه يا ريس بلا إنتاج فعلى وعملى فى أرض الواقع
لا تجعل تنباك للمستقبل حاجزاً ضد تكيفك مع الواقع ومحاولع تغيره
****
بجد إنت تملك ادواتك جيدا ومنذ بدايه عهد المدونه وانت تهج ذات السبيل
استمر واثبت فإنك على الحق بإذن الله
***
لست بحاجه لوافر مديحى فقد نلت منه الكثير
حقا -رغم سمعتى بصعوبه إضحاكى- إلا أن شبح ابتسامه ارتسم على فمى حال قراءتى لسطورك الوضاءه
**
تحياتى لقلمك وأشكرك لإتاحه نافذه لهذا العالم الساحر
دمت بود يا اخى
وأ كد السيد الرئيس جمال مبارك أنه يرفض التوريث رفضا تاما..وان ابنه هيثم جمال مبارك سوف يدخل الانتخابات-زيه زي أي مواطن-
وماله..................اه يا بلد
ههههههههههه
تصدق بالله احلى ما فى شعبنا هو خفة دمه ومحاولته للتغلب على المصايب الى محاوطاه بنكته طريفه او ترقيه على الماشى وفعلا شعبنا طيب اوى بس تصدق الطيبه قلبت معاه لجبن مش جبن رومى عشان دى غاليه اليومين دول
سيبك الله يبشرك بالخير يعنى هنفضل فى القرف ده لحد 2035
ياه يحيك ويحينى ربنا
تحياتى
نشرتك دي يا أخ صالح ( سعيد ) فكرتني بنكته
7
7
7
----
مرة الريس عايز يزود شعبيته فقال لرئيس الوزراء يعلي الأسعار فالناس تتضايق يقوم هو ينزلها، فعلا رئيس الوزراء زود الأسعار، بس الناس ما اتكلمتش، عادي خالص، الريس استغرب قوي، وقاله: طب خلي الضرايب على المرتبات خمسين للمية. زود رئيس الوزراء الضرايب خمسين فى المية، الناس هزت دماغها وسكتت. الريس اتجنن وقال لرئيس الوزرا بص، طلع أي قرار غشيم من عندك يخلي البلد تولع، رئيس الوزرا عمل ضريبة اللي يعدي كوبري يدفع عشرة جنيه، الناس نفخت و ضربت كف بكف ودفعوا، فقام رئيس الوزرا خلى اللي يعدي يدفع عشرة جنيه وهو طالع، وعشرة جنيه وهو نازل من الناحية التانية، الناس قالت اللهم طولك يا روح و أمرنا لله و دفعوا.
رئيس الوزرا كبرت فى دماغه، وأمر إن اللي يعدي بعد ما يدفع عشرة جنيه، و هو خارج من الكوبري ياخد على قفاه، و نزل الريس بنفسه متنكر يتابع الموقف، الناس تدفع وهية طالعة الكوبري عشرة جنيه، و عشرة جنيه و هية نازلة و تاخد على قفاها وتمشي، شوية و لقى واحد بيزعق و متضايق، وطى على ودنه قال له "مالك؟" قال له "حاجة تقرف! أنا متعطل خمس ساعات..لازم يزودوا الناس اللي بتدينا على قفانا!!!!!!!!"
-----
خد بالك يا صلوحة لو لقيت باب بيتكم بيخبط دلوقتي وخير اللهم اجلعه خير لقيت واحد لابس ابيض في ابيض وعلى كتافه واقف بجعتين
ما تقلقشي يا أخ صلاح
دي مصر بتحبك وعلى رأي منى ذكي عايزاك في حضنها كام سنة كدا
----
ملحوظة : كح كح ده اول تعليق ليا عندك وحاسه ان قريبا ان شاء الله قد يحالفنا الحظ ويجمعنا معقتل واحد
---
تحياتي ،،،
مضحكة قوي
كنت قرأت واحدة زيها من بتاع سنتين بس بصراحة كانت تموت من الضحك
هوا عمرو دياب اللي بيغني ده
صانعة الأحلام
تصدقى ربنا يستر ليحصل كده
وعلى رايك اه يا بلد
كملى انتى بقى
شكرا لتشريفك مدونتى
___________________________________
only spot
مقدرش انكر ان كتبت الكلام ده ومرعوب انى الاقى سطر منه بقى حقيقه مستقبليه حتميه
بجد ربنا يستر
احنا نتمنى مستقبل احسن من كده 100مره
قولى امين بسرعه
ارق تحية
_________________________
العنقاء
الله يطمنك بجد
بس النكته عجبتنى اوى على فكره
وصيتك بقى تنسى العيش والحلاوة وتبقى تعدى على كنتاكى فى سكتك
نورتنى بزيارتك
فى المدونه مش فى طره
______________________________
قليل من التفكير
فعلا عمرو دياب اللى بيغنى
واتمنى يكون البوست عجبك
ورايك يهمنى
ويا رب اكون عند حسن ظنك
ارق تحية
طب ليه متخيل ان حركة كفاية هيحصل لها كده؟
افهم من كلامك انه مافيش فايده؟
الحاج احمد عز
حاج
عندك حاج فعلا
لكل مواطن سيخ
عشان يشوى اللحمة اللى المصريين بيجيبوها ببلاش
ياللا
اهو ده الهم اللى يضحك ياسعيد فعلا
تحياتي ليك يا صالح
يااااااااه جامده بجد
عجبتني جدااااا
زيزي
انا اسفه جدا يا صالح اتأخرت في زيارت مدونتك لانى كان عندى امتحانات وما ادراك والامتحانات
بجد البوست جامد جدا بس هنفضل في العذاب ده لغايه 2037 ربنا يستر بس النشره تحفه خاصه البيان الختامى للقمه العربيه فعلا بيبين مدى التقدم وعلو الشأن اللى وصلولوا العرب يسلام فعلا عمار يا مصر
وربنا يكرمك ويوفقك دايما
دوحة
لحمه لحمه انا سمعت الاسم ده قبل كده
اه افتكرت
مش دى الحاجه اللى المصريين مبياكلوهاش غير فى الاعياد دلوقتى
نورتى مدونتى يا دوحه
تقبلى تحياتى
___________________________________
Meekness
ازيك يا زيزى
اسمك حلو
بيفكرنى بفيلم
خلى بالك من زيزى
ويا رب اكون عند حسن ظنك
ارق تحيه
_____________________________
tota_fm
الاول وقبل كل شئ
يا رب تكون وفقتى فى الامتحانات
لانى عارف امتحانا ت اليومين دول
بتبقى فوازير ملهاش حل
والدكتور بيبقى منشكح وهو يرى نظرات العجز فى اعيننا
ربنا يعينك ويوفقك
واهلا بكى مره ثانيه فى عالم المدونين
ارق تحية
ههههههه ايه يا عم الاخبر الجامده دي
تنفع معد اخبار و مذيع و نقفل وزارة الاعلام و تستولي نت علي الارضي و الفضائي
مدونه جميله تحياتي
سيداتى انساتى سادتى
علم مراسل قناه فرنسا هانم انه بعد نشره اخبار السيد صالح سعيد
توافدت اعداد غفيره من المواطنين فى شكل تظاهره مطالين بالسيخ بتاعهم
هذا وقد وقف قائد التظاهره على توك توك بنى الون امام القصر الجمهورى
وقدم له مطالب الشعب
وقد قال له
اننا لن نترك سيخنا يمر من ايدينا
سندافع عنه حتى الموت
هذا وقد وعد القائم باعمال الرئاسه الحشد الكبير بتوفير خمسه سنتميتر حديد تسليح لكل مواطن
وقد قام المواطنون بوضع السيخ الصغير فى الرده
لعل وعسى
هو حضرتك شغال مذيع
فى قناة المستقبل
والنشرة دى الساعة كام
انا عاوز اكمل السخرية للاخر عشان مببكيش
لكن عاوز اقول فيه امل ولو ضعيف
تسلم يداك
استاذ صالح
مدونتك هايلة
كريم بهي
EmY
ازيك والف شكر على زيارتك
اما حكاية انى اكون مذيع فيا ريت بس يكون بعيدعن اخبار النشره دى
ارق تحية
__________________________________
فرنسا هانم
ازيك يا خالتى فرنسا
بصراحه كلامك اضافه حديديه للنشره اللى كتبتها
برافو عليكى
ونورتينى بزيا رتك
تقبلى تحياتى
_______________________________
كريم بهي
اذيك يا اخ كريم
النشره دى طبعا لا اتمنى انه يحصل حرف منها ولا نسمعها اساسا
وشكرا على اهتمامك ورايك يا اخ كريم
ارق تحية
ابدعت يا غااالى
بس انت ما تعرفش ان القاهرة هيكونوا غيروا اسمها
وهتبقى المقهورة وممكن المقهورة على عين امها
وهستناك بقى سنة 2073 وهشوف الى انت بتقوله ده صدق ولا فض مجالس
يا مفترى :)
تحييياتى
لاااااااااااااا دا لو كده يبقى الحق اولع فى الكوكب عندى وامشى واسيب الفيكونات الفضائيه بتاعتى تهجم عليكوا
ايه يا عمنا التشاؤم ده بس مصر ان شاء الله هتبقى حلوة ومش عاوزة حد يقولى فى المشمش (انا بس اللى اقول)هههههههههه
ده ايه الجمال و الحلاوة ده انا مكنتش اعرف ان فيه مدونات حلوة كده
تحياتي
عجبني اوي
سيخ لكل مواطن
بجد ياصالح خلي بالك من نفسك اليومين دول ليقومو النس يطلبوك انت بالسيخ
بعد كدا مش عارفين هتعمل ايه
جميله اوي المدونه عجبني اسلوبك
بنوته من وسط البلد
كلمة مفترى حسستنى انى صالح بن لادن مش صالح سعيد
ده انا اطيب واحد فى الشرق الاوسط
وانا اتمنى انى ملاقيش حرف من النشره فى المستقبل
تحياتى اليكى
___________________________
appy
انه ليس تشاؤما
بل وجهة نظر اتمنى الاتحدث
واتمنى ان تصبح مصر اجمل واقوى بلد فى العالم وفى المجموعه الشمسيه كمان
بس دى واسعه شويه
بس متقوليش فى المشمش
تحياتى وتقديرى اليكى
_______________________
Noha El-arabi
شكرا على اهتمامك ورايك
واتمنى انى اكون عند حسن ظن حضراتكم جميعا
ارق تحية
_________________________________
انين الحزن
شكرا على اهتمامك ورايك
اما بخصوص السيخ
ربنا يستر ليبقى ده حالنا
لان اسعار الحديد تحديدا هتخلى الناس على الحديده
ارق تحية
Post a Comment